સમાનાર્થી કહેવતો

એક સમાન અર્થ ધરાવતી કહેવતો

1. આપની તે રૂડી બીજાની બાપડી - વરને કોણ વખાણે તો કહે વરની મા 
2. એક કાંકરે બે પક્ષી મારવા - એક પંથ દો કાજ
3. કીડી પર કટક - મારવો ઉંદર ને ખોદવો ડુંગર
4. કૂતરાની પૂંછડી વાંકી તે વાંકી - દોરડી બળે પણ વળ ન છોડે
5. કુશકા ખાંડે ચોખા ન મળે - પાણી વલોવ્યે માખણ ન નીકળે
6. ખારા જળનું માછલું મીઠા જળમાં મરે - છાણનો કીડો ઘીમાં મરે
7. ખાલી ચણો વાગે ઘણો - ઢમ ઢોલ માંહે પોલ, અધૂરો ઘડો છલકાય ઘણો
8. ખોદે ઉંદર ને ભોગવે ભોરિંગ - રાંધે કોક ને જમે કોક
9. ગઈ ગુજરી સંભાળવી નહિ - ગઈ તિથિ જોશી પણ ન વાંચે
10. જમવામાં જગલો ને કૂટવામાં ભગલો - કરડે માંકડ ને માર ખાય ખાટલો
11. જાગ્યા ત્યારથી સવાર - ભૂલ્યા ત્યાંથી ફેર ઘણો
12. જીવતા ની ખોડ મુએ જાય - પ્રાણ અને પ્રકૃતિ સાથે જાય
13. જે ન કરે વૈદ તે કરે દેવ - દવા ન કરે તે દુઆ કરે
14. જેવો રાજા તેવી પ્રજા - જેવો શેઠ તેવો વાણોતર
15. જેવી દ્રષ્ટિ તેવી સૃષ્ટિ - અન્ન તેવો ઓડકાર
16. ટકાની ડોશી ને ઢબુ મુંડામણ - પાયલાની પાડી ને પૂણો ચરાઈ 
17. દાઝ્યા પર ડામ - પડ્યા પર પાટું, જશ પર જૂતિયા
18. ધોબીનો કૂતરો નહીં ઘરનો કે નહીં ઘાટનો - બે ઘરનો પરોણો ભૂખે મરે
19. નામ મોટાં ને દર્શન ખોટા - મૂછે ચોપડવા તેલ નહિ ને ડેલીએ દીવો કરે
20. પાપડી ભેગી ઇયળ બફાય - સૂકા ભેગું લીલું બળે
21. પીળું એટલું સોનું નહિ - ઊજળું એટલું દૂધ નહિ
22. ફરે તે ચરે બાંધ્યું ભુખે મરે - હિંમતે મર્દા તો મદદે ખુદા, સેવા તેને મેવા
23. બોલે એના બોર વેચાય - માંગ્યા વગર મા પણ ના પીરસે
24. બોલ્યું વાયરે જાય, લખ્યું લેખે જાય - લખાણું તે વંચાણુ
25. ભાગ્યશાળીને ભૂત રળે - ભરતામાં ભરાય
26. મારે તેની તલવાર - બલિયાના બે ભાગ
27. શક્તિ તેવી ભક્તિ - પગ જોઈને પાથરણું તાણવું 
28. સોટી વાગે છમછમ, વિદ્યા આવે ઘમઘમ - માર બૂધું ને કર સીધું
29. રામ રાખે તેને કોણ ચાખે - અલ્લા યાર તો બેડા પાર
30. રાંડ્યા પછી ડહાપણ શું કામનું ? - પાણી પીને ઘર શું પૂછવું, અવસર ચૂક્યો શાં કામનો?
31. વરની મા વરને વખાણે - મારા મગન-છગન સોનાનાં, પાડોશીના પિત્તળના ને ગામના ગારાના, પોતાની માને ડાકણ કોણ કહે?
32. વસુ વિના નર પશુ - નાણાં વગરનો નાથિયો ને નાણે નાથાલાલ
33. વીતી હોય તે જાણે - ઘાયલના ગત ઘાયલ જાણે
34. હાથના કર્યા હૈયે વાગવા - દીવો લઈને કૂવામાં પડવું
35. હીરો ઘોઘે જઈ આવ્યો - વહેલા ઉઠ્યા ને ભૂલા પડ્યા